Bul týraly Almaty qalasynyń ákimi E.Dosaev Úkimettiń keńeıtilgen otyrysynda aıtty, dep habarlaıdy Almaty-akshamy.kz.
Almatyǵa «Baqsha (saıabaq) qala» mártebesin qaıtarý týraly tapsyrmańyzdy oryndaý aıasynda sońǵy 11 aıda myń aǵash otyrǵyzylyp, 5 jańa park aımaǵy jasaldy. 2023 jylǵa 320 myń aǵash otyrǵyzý, 8 parkti rekonstrýksıalaý jáne salý, 13 qoǵamdyq keńistikti jobalaý kózdelgen..
Osy rette Almatyda jasyl aımaqtardyń 30%-y sýarý júıesimen qamtylǵan, bul jańa egilgen kóshetterdiń tamyr alyp ósýine yqpal etedi. Ol úshin kelesi jyldan bastap sýarý jelileri júrgizilgennen keıin aǵash otyrǵyzatyn jańa tásil qoldanylady. Sondaı-aq, 2023 jyldyń İ toqsanynda alǵash ret Jasyl jelekterdi otyrǵyzý jáne kútý erejeleri qabyldanady.
"Almatylyqtardy alańdatatyn másele – aýanyń sapasy. Ekologıalyq monıtorıń júrgizý jáne aýany lastaýshy kózderdi anyqtaý úshin 2023 jyly qosymsha 500 qurylǵy (1 mlrd. teńge) ornatylady. Bıyl 25 qarashada 2-shi jylý elektr ortalyǵyn jańartý úshin Eýropa qaıta qurý jáne damý bankimen kredıttik kelisimge qol qoıyldy. Osy jylý elektr ortalyǵyn gazǵa aýystyrý aýaǵa shyǵatyn zıandy zattardy barynsha azaıtady dep úmittenemiz", - dedi qala ákimi