Tamyz aıyndaǵy testileý 15 tamyzǵa deıin jalǵasady.
Oǵan qatysý úshin 17 myńnan astam ótinish qabyldandy, dep habarlaıdy Almaty-akshamy.kz.
Ǵylym jáne joǵary bilim mınıstrliginiń aqparatyna saı, UBT-ǵa qatysýshylardyń 66 paıyzǵa jýyǵy qazaq tilinde, 34 paıyzy orys tilinde, 53 adam aǵylshyn tilinde test tapsyrýǵa nıet bildirdi. Birinshi kúni 4499 adam emtıhan tapsyrady.
Tamyzdaǵy UBT belgilengen shekti bal jınaı almaǵan, beıindi pánder kombınasıasy sáıkes kelmeıtin nátıjeleri bar, UBT nátıjeleri joıylǵan talapkerlerdiń testileýden qaıta ótip, JOO-ǵa aqyly negizde túsý múmkindigi bolýy úshin ótkiziledi. Tirkelý kezinde testilenýshiler emtıhan ótkiziletin oryndy, kúndi jáne ýaqytty ózderi tańdady.
Talapkerler testileý aıaqtalǵannan keıin 30 mınýt ishinde apelásıaǵa ótinish bere alady. Sertıfıkat apelásıa týraly sheshim qabyldanǵannan keıin testilenýshiniń jeke kabınetinde qoljetimdi bolady.