Elimizde Abaı Qunanbaıulynyń atymen atalatyn birneshe nysan bar.
Jergilikti ákimdikterdiń aqparatyna sáıkes, óńirlerde Abaı esimimen atalatyn 1 441 kóshe, 12 dańǵyl, 99 mektep, 4 kolej jáne 1 teatr bar.
Byltyr Prezıdent Jarlyǵymen Abaı oblysy qurylyp, ákimshilik ortalyǵy bolyp Semeı qalasy belgilendi. Odan bólek Qazaqstanda 1 qala, 3 aýdan jáne 28 eldi mekenge uly aqynnyń esimi berilgen, dep habarlaıdy Almaty-akshamy.kz.
«Qazaqstanda Abaı Qunanbaıulyna 30-dan astam eskertkish ornatylǵan. Sondaı-aq álemniń 18 memleketinde uly tulǵaǵa arnalǵan monýmentaldy óner kesheni bar. Atap aıtqanda, Tashkent, Máskeý, Bishkek qalalarynda Abaıdyń eskertkishi bolsa, Renn, Beıjiń, Kaır, Býdapesht, Tegeran, Stambul, Nú-Delı, Jeneva, Parıj, Saraevo, Tbılısı, Berlın, Seýl, Harkov jáne Baký qalalarynda bústi qoıylǵan», - dedi Mádenıet jáne sport vıse-mınıstri Arman Júdebaev.