Búgin, Abaı kúnine oraı Almatydaǵy A.P.Chehov atayndaǵy Ortalyq qalalyq kitaphanada talqy otyrysy ótti, dep habarlaıdy almaty-aqshamy.kz. İs-sharada Abaı shyǵarmalary, rýhanı murasy talqylandy.
Almaty Kitaphanalary jáne Almaty qalasy Qazaqstan halqy Assambleıasynyń analar keńesimen birlesip ótkizgen sharasy «Uly Abaı halyq júreginde» dep ataldy.
Almaty Kitaphanalary birlestiginiń Jalpy máseleler jáne sıfrlandyrý jónindegi dırektorynyń orynbasary Jandos Jambyluly sharanyń bastaý sózin sóıledi. Ol Abaı kúniniń mereke retinde atalýynyń ózi uly aqynnyń shyǵarmashylyǵy men rýhanı murasyna degen halqymyzdyń qurmeti ekenin atap ótti.
Budan keıin Abaı shyǵarmalaryn orys tiline aýdarǵan aýdarmashylardyń biri, belgili aqyn Baqytjan Qanapıanov sóz aldy. Ol sózinde Abaı shyǵarmalaryndaǵy adamzatqa ortaq izgi qundylyqtardyń qaı tildegi oqyrmandar úshin de jat emestigin basa aıtyp ótti.
Chehov atyndaǵy ortalyq kitaphanada ótken shara Abaı shyǵarmalaryn, rýhanı murasyn zertteý, jas urpaqqa Abaı tanymy men gýmanısik ıdeıalaryn sińirýdi basty maqsat etti. Buǵan qosa, túrli ulttar men etnostardy qaýymdastyrǵan memlekettegi ulttyq biregeılikti saqtaýdyń mańyzdylyǵyn tanýǵa da baǵyttalǵan.
Abaı kúnindegi aıtýly sharada uly tulǵanyń shyǵarmashylyǵyn arqaý etken jas jetkinshekter óz ónerin kórsetti. Jas ónerpazdardyń merekelik qoıylymdary sharanyń mádenı boıaýyn asha tústi.