Shaıbaly hokeıden Qazaqstan quramasy búgin, 7 mamyrda Ulybrıtanıamen joldastyq kezdesý ótkizedi. Bul álem chempıonatyna daıyndyq barysyndaǵy sońǵy oıyn bolady, dep habarlaıdy almaty-akshamy.kz
Ǵalym Mámbetálıev shákirtteri 5 mamyrda Chehıaǵa jetti. Onda dúbirli dodaǵa daıyndyq barysyn pysyqtap jatyr.
Búgingi kezdesý elorda ýaqytymen 20:00-ge belgilengen.
Qazaqstandyq hokeıshiler 2021 jyldan beri elıtalyq dıvızıonda oıyn kórsetip keledi.
Qazaqstan quramasy V tobynda Fransıa, Slovakıa, Latvıa, Shvesıa, Germanıa, AQSH jáne Polshamen synǵa túsedi.
Alǵashqy oıynyn Qazaqstan quramasy 11 mamyrda Fransıa quramasyna qarsy ótkizedi.
El quramasy 10 sáýirden bastap elordada ótetin elıtalyq dıvızıondaǵy álem chempıonatyna daıyndyqqa kirisken bolatyn.