Onlaın ótinim berýde ne isteý kerek?
Memlekettik bilim berý grantyn berý jónindegi konkýrsqa qatysý úshin qujattardy qabyldaý 2024 jylǵy 13-24 shilde aralyǵynda júzege asyrylady, dep habarlaıdy Almaty-akshamy.kz
"Konkýrsqa qatysý úshin ótinishti joǵary jáne joǵary oqý ornynan keıingi bilim berý uıymdarynyń qabyldaý komısıalary arqyly, sondaı-aq, onlaın rejıminde "Elektrondyq úkimet" portaly arqyly berýge bolady", delingen QR Ǵylym jáne joǵary bilim mınıstrliginiń aqparatynda.
Mınıstrliktiń málimetinshe, 2023-2024 oqý jylyna joǵary bilimniń bilim berý baǵdarlamalary boıynsha oqý úshin barlyǵy 78219 grant bólindi, onyń ishinde Qazaqstan Respýblıkasynyń Úkimeti aıqyndaǵan óńirlerge qonys aýdaratyn aýyl jastary qatarynan Qazaqstan Respýblıkasynyń azamattaryn oqytýǵa 3903 grant bólindi.
Sondaı-aq, halqy tyǵyz ornalasqan, batys jáne jańadan qurylǵan óńirlerden jastardy oqytý úshin 5000 nysanaly grant bólindi, onyń ishinde:
Atyraý oblysynan kelgender úshin – 1500 grant,
Mańǵystaý oblysynan – 2000,
Túrkistan oblysynan – 600,
Abaı qalasynan – 300,
Shymkent qalasynan – 300,
Jetisý qalasynan – 300,
Ulytaý qalasynan - 300 grant daıarlandy.
Olar mynadaı baǵyttardy qamtıdy:
pedagogıkalyq ǵylymdar,
matematıka jáne statısıka,
jaratylystaný ǵylymdary,
aqparattyq-kommýnıkasıalyq tehnologıalar,
ınjenerlik, óńdeý jáne qurylys salalary.
"Shalǵaı óńirlerden kelgen talapkerlerge yńǵaıly bolý úshin joǵary jáne joǵary oqý ornynan keıingi bilim berý uıymdarynda vırtýaldy qabyldaý komısıalary jumys isteıtin bolady, olar beınebaılanys arqyly konsýltasıa beredi jáne konkýrsqa qujattardy tapsyrýǵa kómektesedi. Bilim berý grantyn taǵaıyndaý konkýrsyna qatysý úshin eń tómengi upaılar myna silteme boıynsha qoljetimdi", delingen habarlamada.
Sondaı-aq mınıstrlik elektrondyq úkimet portalynda qujattardy tapsyrý kezinde paıdalanýshylardyń bir mezgilde júginýine baılanysty tehnıkalyq irkilister baıqalýy múmkin ekenin eskertedi.
"Onlaın ótinim berýde problemalar anyqtalǵan jaǵdaıda, 1414 Biryńǵaı baılanys ortalyǵyna, sondaı-aq qosymsha aqparat alý úshin Joǵary jáne joǵary oqý ornynan keıingi bilim komıtetine myna telefondar arqyly habarlasa alasyz: 8 (7172) 741670, 8 (7172) 742525, Joǵary bilim berýdiń biryńǵaı platformasyn tehnıkalyq qoldaý ortalyǵy 8 (7172) 47-25-25, ishki 702, 504 jáne "Ulttyq testileý ortalyǵy" RMQK call-ortalyǵy - 8 (7172) 695069".