Sebebi shekaraǵa jaqyn ornalasqandyqtan kórshi elder ruqsat etpeıdi.
Elimizde 1 729 starlınk termınaly mektepterge úlestirilgen, dep habarlaıdy Almaty-akshamy.kz
Biraq sonyń ishinde 136 termınal jumys istemeı tur. Bul týraly Sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev málimdedi.
Onyń aıtýynsha, mamyrdyń basynda shamamen 600 starlınk termınaly mektepterge taratylǵan bolsa, búginde araǵa 2 aı salyp, onyń sany 1 729-ǵa jetip otyr. Tek eki jaǵdaıǵa qatysty másele týyndap tur.
"Mektepterge ornatylǵan 136 starlınk termınaly qazir jumys istemeı tur. Sebebi ol mektepter shekaralas aýmaqtarda ornalasqandyqtan, ınternettiń taralý aýmaǵy soltústik pen shyǵystaǵy kórshi elderdiń aýmaǵyna ótip ketedi. Al kórshi elder óz terıtorıalaryna túsip turýyna ruqsat etpeı otyr. Soǵan baılanysty ol termınaldar qosylmaı tur. Endi sol taralý aýmaǵy tek Qazaqstan terıtorıasymen shekteletindeı etý úshin Starlınkpen kelissóz júrgizip jatyrmyz. Eger onyń tehnıkalyq sheshimi tabylmasa, onda ol termınaldardy basqa mektepterge taratamyz",- dedi mınıstr.
Odan bólek, taǵy 14 starlınk jóndeý júrgizilip jatqan mektepterge ornatylǵan. Jasulan Mádıevtiń aıtýynsha, sol jumystar jazdyń sońyna deıin bitýi kerek, sóıtip termınaldar da iske qosylady.