Kezdesý búginge josparlanǵan edi.
Boksshy Jánibek Álimhanuly jekpe-jek aldynda esinen tanyp, aýrýhanaǵa tústi, dep habarlaıdy Almaty-akshamy.kz
WBO jáne IBF tujyrymdary boıynsha orta salmaqtaǵy álem chempıony Jánibek Álimhanuly men jańa zelandıalyq Andreı Mıhaılovıch arasyndaǵy jekpe-jek ótpeıtin boldy.
Jánibek beısenbi kúni salmaq qýý kezinde ózin nashar sezinip, aýrýhanaǵa túsken.
Bul týraly Jánibek Álimhanuly komandasynyń menedjeri Berik Sultan óziniń FB paraqshasynda jazdy.
"Qurmetti aǵaıyndar! Jekpe-jek bolmaıdy degen jańalyqty oqyp sizderdiń de kóńil kúılerińiz túskenin bilemiz. Sebebi janashyr, tileýles ekenderińizdi bilemiz!
Álemniń túkpir-túkpirinen qanshama jankúıer ónerimizdi kórsek dep asyǵa kútti. Biz de rıngte Qazaq style-dy kórsetý úshin barymyzdy salyp daıyndaldyq.
Degenmen kóp sportshylar sıaqty biz de salmaq jasaý barysynda qıyndyqqa tap boldyq. Birinshi ret osyndaı jaǵdaıdy bastan ótkerdik. Ońaı emes eken! Túnimen aýrýhanada boldyq! Muny da kórý kerek bolǵan shyǵar! Qazir Jánibektiń jaǵdaıy birqalypty!
Densaýlyq birinshi orynda! Buıyrtsa 2-3 aı qalypqa kelip, rıngke qaıta oralamyz!
Tileýles jandardyń bárine myń alǵys! Aýyrmańyzdar!
Qurmetpen, Qazaq style komandasy!" degen jazba jarıalady Berik Sultan.