Buǵan deıin ol jerde meıramhana men keńseler bolǵan.
Endi ýnıversıtet ıeligine qaıtarylǵan 300 oryndyq jataqhana stýdentterdiń ıgiligine jaraıdy, dep habarlaıdy Almaty-akshamy.kz
Almatydaǵy Qazaq ulttyq agrarlyq zertteý ýnıversıteti osyǵan deıin jeke kásipkerge qyzmet etip kelgen jataqhanany óz ıeligine qaıtardy.
Ýnıversıtet búdjetinen 160 mln teńge bólinip kúrdeli jóndeý jasaldy. Stýdent pen magıstrlerdiń jaıly ómir súrýi úshin qajetti turmystyq tehnıkamen jabdyqtalǵan. Aıta keteıik, bilim ordasy jazda taǵy bir nysandy turǵyn úı qoryna qaıtaryp, 280 bilimger baspanaly boldy. Osylaısha Almaty qalasynda óz stýdentterin jatyn orynymen tolyq qamtamasyz etken jalǵyz ýnıversıtet atandy. Endi ınvestısıa kólemi 2,3 mlrd teńgeden asatyn taǵy bir jataqhana jobasy qolǵa alyndy.
«Bıyldan bastap biz taǵy da jańa jataqhananyń qurylysyna kiristik. Ol 9 qabatty úlken ǵımarat bolady. Onda 500-deı stýdent turatyn bolady, jas ǵalymdar turatyn bolady. Qazir bizdiń seriktesimiz ınvestor, jumysyna kirisip, qurylysty bastap jatyr. Buıyrtsa 12 aıdyń ishinde jańa jataqhanamyz daıyn bolady dep oılaımyz», - deıdi QAZUAZÝ ýnıversıtetiniń basqarma tóraǵasy, rektory Aqylbek Kúrishbaev.