Qazaqstan kómirinen farmasevtıkalyq jáne hımıalyq ónimniń 300-ge jýyq túri óndiriledi. Bul týraly Respýblıkalyq taý-ken óndirýshi jáne taý-ken metalýrgıalyq kásiporyndar qaýymdastyǵynyń atqarýshy dırektory Nıkolaı Radostoves aıtty, dep habarlaıdy Qalmaty-akshamy.kz
«Kómirimiz, ásirese, Shubarkól kómiri básekege óte qabiletti. Odan farmasevtıkalyq jáne hımıalyq ónimniń 300-ge jýyq túri óndiriledi. Kómirdiń az jaǵylýyna baılanysty óndiris kólemi qysqarǵan jaǵdaıda kómir kenshilerine ne isteý kerektigin eshkim aıqan joq. Bizge kómir kenishteriniń tóńiregine ınvestorlar kelýi úshin erkin ekonomıkalyq aýmaq qurýǵa múmkindik berińizder», - dedi ol elordada ótip jatqan Astana Mining & Metallurgy 11-shi taý-ken metalýrgıalyq kongresi aıasynda uıymdastyrylǵan brıfıńte.
Onyń atap ótýinshe, atalǵan erkin ekonomıkalyq aımaqqa kelgen ınvestorlarǵa salyqtan jáne odan basqa da jeńildikter berý qajet.
«Olar 5-10 jyl boıy salyqty múldem tólemeı-aq qoısyn. Biraq, olar kómirimizden biz qazir satyp alyp otyrǵan hımıalyq jáne farmasevtıkalyq ónimderdi shyǵara bastaıdy. Biz qosylǵan quny birshama ónimderdi saýdalaıtyn bolamyz», - dedi Nıkolaı Radostoves.