Oıyn «Qazsport» telearnasynan tikeleı efırde kórsetiledi.
Kezdesý 2 naýryzda elorda ýaqytymen 19:30-de «Astana Arena» stadıonynda ótkiziledi, dep habarlaıdy Almaty-akshamy.kz
Bul joly atalmysh júldeni ótken maýsymnyń chempıony qostanaılyq «Tobyl» men kýbok ıegeri almatylyq «Qaırat» sarapqa salady. Sýperkýbokty klasıkalyq túrde bir oıynnan ótkizý týraly sheshim qabyldandy.
Bul bıylǵy naýryz aıynda oıyndar kúntizbesiniń tyǵyzdyǵyna baılanysty klýbtarmen kelisim boıynsha qabyldandy. Búgingi kúnge deıin sýperkýbokta el chempıony men kýbok ıegeri sheberlik baıqasty. Fınalda toǵyz komanda baq synaǵan.
Olardyń arasynda «Astana» segiz márte fınalda oınap, bes márte (2011, 2015, 2018, 2019, 2020) kýbokty ıelendi. Odan keıingi kezekte Almatynyń «Qaıraty» 5 márte fınalda baq synap, úsheýinde (2016, 2017) jeńimpaz atandy. Al «Aqtóbe» 2 (2008, 2010), «Elimaı» (1995), «Ordabasy» (2012), «Shahter» (2013) jáne «Tobyl» (2021) komandalary bir-birden jeńimpaz tuǵyrynan kórindi. Sondaı-aq, «Atyraý», «Vostok» jáne «Qaısar» komandalary sýperkýbokqa shyqqanymen birde-bir márte oǵan qol jetkize alǵan joq.
Eske salsaq, bıyl el birinshiligi 5 naýryzda jalaýyn kóteredi. Alǵashqy týrda 5 naýryzda «Kaspıı» (Aqtaý) men «Qyzyljar», «Turan» (Túrkistan) men «Taraz», «Atyraý» men «Aqsý» (Pavlodar oblysy), «Astana» (Nur-Sultan) men «Shahter» (Qaraǵandy), «Ordabasy» (Shymkent) men «Maqtaaral» (Túrkistan oblysy) komandalary kezdesedi.