Almatyda qolaısyz meteorologıalyq jaǵdaı kútiledi
Búgin Qazaqstannyń 6 qalasyna jaısyz meteorologıalyq jaǵdaı qalyptasyp, aýa lastanady, dep habarlaıdy Almaty-akshamy.kz «Qazgıdromet» RMK-na silteme jasap.
«2022 jylǵy 28 qarashada Astana, Almaty, Kókshetaý, Rıdder (2 dárejeli), Semeı (2 dárejeli), Óskemen (2 dárejeli) qalalarynda qolaısyz meteorologıalyq jaǵdaılar kútiledi»,-delingen habarlamada.
Qolaısyz meteorologıalyq jaǵdaılar - atmosferalyq aýanyń betki qabatynda zıandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy.
Qolaısyz meteorologıalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.