Búgin elordada saǵat 19:00-de Dúnıejúzilik kóshpendiler oıyndarynyń tikeleı translásıasy bastalady, dep habarlaıdy aqshamnews.kz.
V Dúnıejúzilik kóshpendiler oıyndary Astanada 8-13 qyrkúıek aralyǵynda ótedi. Oǵan álemniń 89 elinen 2500-den astam qatysýshy qatysady.
Sharanyń ashylý rásimi «Astana arena» stadıonynda ótedi.
QR Mádenıet jáne aqparat mınıstrliginiń habarlaýynsha, shoýǵa 3 myń artıs qatysady. Sharanyń ashylý rásiminiń aldynda, 8 qyrkúıek kúni saǵat 16:00-de qazaqstandyq estrada juldyzdarynyń qatysýymen konsert ótedi. Konsert aıaqtalysymen saǵat 19:00-de resmı ashylý saltanaty bolady. Shoý barysynda sahna men mýltımedıanyń zamanaýı tehnologıalary qoldynyla otyryp, eki saǵattyq mýzykalyq teatrlandyrylǵan qoıylym uıymdastyrylady.
Qalyptasqan dástúr boıynsha ashylý rásiminde sporttyq delegasıalardyń sherýi ótedi. Sońynda Qazaqstannyń halyq ártisi Dımash Qudaıbergenniń oryndaýyndaǵy halyqtar dostyǵy men birligi týraly mýzykalyq kompozıasıa oryndalady.
Oıyndarǵa qatysýshylar men qonaqtardy qabyldaý úshin 20 qonaqúı men 331 kólik qarastyrylǵan. Medısınalyq shtabta 150 medısınalyq qyzmetker, 23 veterınar jumys isteıdi. 1 300 volonter qyzmet atqarady. Sondaı-aq BAQ-qa arnalǵan akredıtasıaǵa jalpy 64 elden 1 185 ótinim túsken.
Oıyndar birneshe jerde ótedi: «Dýman» qonaq úıi, «Qazanat» ıpodromy, etnoaýyl, J. Úshkempirov atyndaǵy jekpe-jek saraıy jáne «Alaý» muzaıdyny men «Astana Arena» kesheninde.