Qazaqstan quramasy Parıjdegi Paralımpıada oıyndaryn rekordtyq nátıjemen aıaqtady.
Ulttyq qurama ártúrli dárejedegi toǵyz medalǵa qol jetkizip, qazaqstandyq parasportshylardyń tarıhyndaǵy eń úzdik nátıjeni kórsetti, dep habarlaıdy aqshamnews.kz
7 qyrkúıekte Jýrkamyrza Shýkúrbekov (J2, 90 kelige deıingi kategorıa) jáne Zarına Raıfova (J2, 70 kelige deıingi kategorıa) Qazaqstanǵa eki qola medal syılady.
Bul Qazaqstan úshin Parıjde ótken XVII Jazǵy Paralımpıada oıyndaryndaǵy eń sátti kórsetkish boldy. Qurama 9 medal ıelendi: eki altyn, úsh kúmis jáne tórt qola.
Jalpy komandalyq medaldar kestesinde Qazaqstan 39-orynǵa turaqtady. Kósh basynda 216 medalmen Qytaı, ekinshi orynda 120 medalmen Ulybrıtanıa, úshinshi orynda 102 medalmen AQSH tur.
2020 jyly Tokıoda ótken Paralımpıadada qazaqstandyqtar 5 medal (bir altyn, úsh kúmis jáne bir qola) jeńip alǵan bolatyn.
Parıjdegi Paralımpıada oıyndary 2024 jyldyń 8 qyrkúıeginde «Stad de Frans» stadıonynda jabylý saltanatymen aıaqtalady.