Jyl saıyn mańyzdy mereke álemniń túkpir-túkpirinde erekshe atalyp ótiledi.
Olardyń qatarynda otandyq balet teatrlary da bar. Bıyldyń ózinde respýblıka boıynsha balet ártisteri 160-qa jýyq spektákl qoıǵan, dep habarlaıdy Almaty-akshamy.kz 24.kz-ke silteme jasap.
Ony 100 myńǵa jýyq kórermen tamashalaǵan. Búginde sheteldik mamandar qazaq baletine joǵary baǵa berýde.
Balet ártisteriniń ár qoıylymyna kórermender kóp jınalady. Sebebi, repertýar jańaryp otyrady. Qazirgi kúnniń ózinde "Astana opera" teatr repertýarynda 26 balet spektakli bar.
«Qazirgi kúni otandyq balet salasynyń deńgeıi óte joǵary. Muny maqtanyshpen aıtamyz. Bizdiń balettiń basty ereksheligi sol ártister ár bı qımylyna bar yntasyn salyp, shyǵarmashylyqqa mán beredi. Olardyń biliktiligin shyńdaı túsýge barymyzdy salyp jatyrmyz», - deıdi "Astana opera" teatrynyń tálimger-ustazy Ǵalıa Begalına.
Búginde Qazaqstanda tórt balet teatry bar. Onyń úsheýi respýblıkalyq, bireýi óńirlik teatr. Jyl basynan beri respýblıka boıynsha 160-qa jýyq balet spektakli qoıyldy. Al oǵan jınalǵan kórermen sany 100 myńǵa jýyqtaıdy. Bul baletke degen qyzyǵýshylyqtyń jyl saıyn artyp kele jatqanyn kórsetedi