Almatylyq qutqarýshylar týrıserdi ázirge taýǵa shyqpaýǵa shaqyrdy.
Almaty qalasynyń tótenshe jaǵdaılar departamenti týrıserdi taýǵa barýdan bas tartýǵa keńes berdi, dep habarlaıdy Almaty-akshamy.kz.
Almaty qalalyq TJD «Qazgıdromettiń» daýyldy eskertýleri negizinde 8- 12 sáýir aralyǵynda Úlken jáne Kishi Almaty ózenderiniń baseınderinde jylymyqtyń áserinen, qar jamylǵysynyń turaqsyz bolýyna baılanysty, qar kóshkini qaýipi saqtalatynyn habarlady.
«Sondaı-aq, 8 sáýirde taýlarda qatty jaýyn shashyn, batystan ekpini sekýndyna 17-22 metr jel soǵady. Osyǵan baılanysty qar basqan betkeılerge shyǵýdan jáne taýǵa barýdan bas tartqan durys», - dep habarlady vedomstvoda.
Sondaı-aq vedomstvoda eger taýda kómek qajet bolǵan jaǵdaıda 112, 109 nemese 8 (727) 372 -15-60 ( «QR TJM Respýblıkalyq jedel qutqarý jasaǵy «MM kezekshi-dıspecherlik bólimshesi) qyzmetterine qońyraý shalý qajet ekenin jetkizdi.