Bıyl Astana qalasyna 26 jyl boldy.
Búgin, 6 shildede qazaqstandyqtar el astanasy – Astananyń 26 jyldyǵyn toılap jatyr, dep habarlaıdy Almaty-akshamy.kz
Astana ǵajaıyp ǵımarattarymen, erekshe kelbetimen, Eýrazıadaǵy sáýletti qalalardyń birine aınaldy. Elorda dástúr men jańashyldyqty ushtastyryp, elimizdiń damýy men órkendeýiniń jarqyn belgisi atanyp, búkil álemge tanyldy.
Mádenıet jáne aqparat mınıstrliginiń málimetinshe, osy ýaqyt aralyǵynda elordanyń tarıhy, mádenıeti men ózindik dástúri qalyptasyp úlgerdi.
"Astana – ákimshilik jáne saıası ortalyq qana emes, Qazaqstannyń mádenı ómiri qaınap jatqan rýhanı júregi. Munda álemniń túkpir-túkpirinen kelgen qonaqtardyń qatysýymen aýqymdy halyqaralyq mádenı is-sharalar, festıváldar, kórmeler men konsertter ótedi. Elordada ótip jatqan halyqaralyq forýmdar men sıezer onyń jahandyq dıalog pen yntymaqtastyqtyń mańyzdy ortalyǵy ekeniniń aıqyn dáleli", delingen vedomstvo quttyqtaýynda.
Atalmysh kún elorda turǵyndary úshin ǵana emes, árbir qazaqstandyq úshin de erekshe mereke.
"Astana – memleketimizdiń beıbit ári syndarly saıasatynyń, elimizdiń qarqyndy damýy men jarqyn bolashaǵynyń, búkil eldiń tatýlyǵy men tutastyǵynyń kórinisi. Qarqyndy damýdyń, mádenı jáne jańashyl bastalamalardy qoldaýdyń arqasynda Astana jańa Qazaqstannyń sımvolyna aınaldy. Barshańyzdy Astana kúnimen shyn júrekten quttyqtaımyz!", delingen QR Mádenıet jáne aqparat mınıstrligi baspasóz qyzmetiniń aqparatynda.
Ulttyq statısıka búrosynyń málimeti boıynsha, 1997 jyly elorda halqy 287 201 adam bolsa, 26 jyldan keıin mundaǵy turǵyndar sany 1 430 117-ge jetti.