Jyl saıynǵy «Astana keshteri» halyqaralyq óner festıvali aıasynda 30 mamyr men 4 maýsym aralyǵynda tórt konsert qoıylady. Olar «Astana opera» men «Astana balet» teatrlarynda ótedi, dep habarlaıdy Almaty-akshamy.kz silteme jasap.
«Joba aıasynda kórermender klasıka, halyq, estrada mýzykasyn Qazaqstanǵa jáne barsha álemge tanytyp júrgen úzdik oryndaýshylardyń ónerin tegin tamashalaı alady. Festıváldiń qonaqtary álemdik sahnalardy baǵyndyrǵan óner juldyzdary bolǵanyna qaramastan, konsertterge barlyq bıletter tegin taratylady. Festıváldiń erekshe qonaqtary – múmkindigi shekteýli jandar», - delingen málimdemede.
Alǵashqy konsert 30 mamyr kúni saǵat 19:00-de «Astana operanyń» kameralyq zalynda ótedi. Kórermender belgili kompozıtor Per Tılýanyń (Fransıa) shyǵarmashylyq keshin tamashalaı alady. Konsertke qatysýshylar: Tımýr Ýrmancheev, fortepıano (Qazaqstan), Anna Serova, ált (Italıa), Kventın Fogel, skrıpka (Fransıa), Sholpan Mankeeva, skrıpka (Qazaqstan), Aıgerım Ersaınova-SHýster, qobyz (Fransıa), Mýrat Narbekov, vıolonchel (Qazaqstan), Dına Mırmanova, fortepıano (Qazaqstan).