Óz tarıhynda tórtinshi márte jeńimpaz atandy
Shaıbaly hokeı fınalynda Fınlándıa jáne Kanada quramalary kezdesti. Quramalar tartysty oıyn ótkizdi, dep habarlaıdy Almaty-akshamy.kz Inform.kz-ke silteme jasap.
Soǵan qaramastan, birinshi kezeńde tablodaǵy esepke ózgeris engen joq. Ekinshi kezeńde kanadalyq Dılan Kozens 24-mınýtta mergendik tanytty. Bul sátte fınlándıalyq quramanyń bir hokeıshisi aıdynnan qýylyp, kanadalyqtar san basymdyǵyna ıe bolǵan edi.
Úshinshi kezeńde fınlándıalyq hokeıshiler alǵa qaraı umtyldy. Nátıjesinde 44-mınýtta Mıkael Granlýnd tarazy basyn teńestirse, ol 45-mınýtta óz quramasyn alǵa shyǵardy. Al, fınlándıalyq Ioel Armıa 54-mınýtta basymdyqty arttyrty. Kanadalyq Zak Ýaıtklaýd 57-mınýtta esep aıyrmasyn qysqartsa, 58-mınýtta Maks Komtýa tarazy basyn teńestirdi. Negizgi kezeń 3:3 esebimen teń aıaqtalyp, oıyn overtaımǵa ulasty. Overtaımda fınlándıalyq Sakarı Mannınen jeńis shaıbasyn soqty. Nátıjesinde, Fınlándıa álem chempıony ataǵyna qol jetkizdi.
Osylaısha, olar óziniń tarıhynda tórtinshi márte jeńimpaz tuǵyryna kóterildi. Al, 3-oryn úshin saıysta Chehıa hokeıshileri AQSH quramasyn 8:4 esebimen súrindirdi. Aıta ketsek, álem chempıonaty 13-29 mamyr aralyǵynda Fınlándıanyń Helsınkı jáne Tampere qalalarynda ótti.
Eske salsaq, bıyl Qazaqstan quramasy álem chempıonaty top-dıvızıonda A tobynda jetinshi oryn alyp, úzdikter qataryndaǵy deńgeıin saqtap qaldy. Álem chempıonatynda Italıa men Ulybrıtanıa birinshi dıvızıonǵa tústi. Olardyń ornyn 2023 jyly Vengrıa men Slovenıa quramalary basady.