Almatyda qalanyń ashyq kýbogi aıasynda alǵash ret ınklúzıvti tenıs saıysy ótti, dep habarlaıdy Almaty-akshamy.kz 24.kz-ke silteme jasap.
«Qyzyl dop» dep atalǵan bul is-sharany elimizdiń tenıs federasıasy uıymdastyrdy. Federasıada múgedekter men keselge ushyraǵan jastardy sportqa beıimdeýdiń memlekettik baǵdarlamasyn ońtaıly iske asyryp keledi. Tirek-qımyl júıesi zaqymdanǵan balalardy ońaltý úshin ınklúzıvti tenıstiń paıdasy zor.
Básekege arbada otyrǵan oıynshylar da qatysa alady. Paralımpıadanyń resmı tizimine engen bul sport túri Qazaqstannyń 6 óńirinde damyp kele jatqanyn aıta ketken lázim. Jalpy elde ınklúzıvti tenıspen 150 adam tegin shuǵyldanady.
Aqmaral Sábdenbekova, qala turǵyny:
- Balalarymyzǵa jaqsylyq jasap jatqanyna úlken rahmet. Qyzym osyǵan óte qyzyǵyp keledi. «Mama, baraıynshy, keremet» deıdi, «qyzyq» deıdi. Aldynda plavanıege barǵan, sýretke barǵan, tańdaǵany osy tenıs boldy. Úlken tenıs.