Elimizde túrli ulystar tatýlyq pen beıbitshilikte ómir súrýde. Memleketimizdegi ózara kelisimdi nyǵaıtý maqsatynda 1995 jyldyń 1 naýryzynda Qazaqstan halqy Assambleıasy qurylyp, ulysaralyq túsinistik pen birlikti nyǵaıtýǵa zor atsalysyp keledi.
Bul biregeı ınstıtýt ózara kelisimdi beriktendirý arnasynda zerdeleý jumystaryn iske asyryp, jastar arasynda júıeli jumystar atqaryp keledi. Qazaqstannyń osy baǵyttaǵy mol tájirıbesin ózge memleketter tyńǵylyqty zertteýde.
Elimizde 2016 jyldan beri Alǵys aıtý kúni atalyp ótýde. Bul merekeniń máni asa zor. Alǵys aıtý kúni – otandastarymyzdy ózara tatýlyqqa, bir-birin izgilikpen qurmetteýge, elimizdiń tarıhyn qasterleýge shaqyratyn, túrli ulystardy kıeli shańyraq astyna uıystyratyn mereke.
Prezıdentimiz, Nur Otan partıasynyń Tóraǵasy Qasym-Jomart Kemeluly atap ótkendeı, «Bul kúni biz eldi órkendetetin tatý tirshilik pen jarasymdy syılastyq jolyndaǵy nıetimizdiń toǵysqany úshin bir-birimizge alǵys aıtamyz. Táýelsizdik kezeńindegi tabystarǵa bereke-birliktiń arqasynda ǵana qol jetkizdik.Bul – egemen elimizdiń baǵa jetpes baılyǵy».
Ardaqty aǵaıyn, Alǵys aıtý kúni qutty bolsyn! Barshamyzdyń nıetimiz Otanymyz Qazaqstandy órkendetip, uıysqan berekemizdi nyǵaıtýǵa arnalsyn degim keledi. Árbir otbasyna mol qýanysh pen úlken jetistikter tileımin.