Seısenbi kúni 8 qalada aýa sapasy nasharlaıdy. Almaty-akshamy.kz bul týraly «Qazgıdromet» RMK-ǵa silteme jasap habarlaıdy.
4 qazanda Astana, Almaty, Aqtóbe, Kókshetaý, Qostanaı jáne Óskemen (2-dárejeli), Semeı (2-dárejeli), Rıdder (2-dárejeli) qalalarynda qolaısyz meteorologıalyq jaǵdaılar kútiledi.
Ózge qalalarda aýa sapasy norma sheginde bolady.
Qolaısyz meteorologıalyq jaǵdaılar – atmosferalyq aýanyń betki qabatynda zıandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy.
Qolaısyz meteorologıalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.