Júlde qory 611 210 eýroǵa baǵalanǵan jarys 9 qazanda márege jetedi
Qazaqstannyń birinshi, álemniń 26-raketkasy Elena Rybakına Ostrava (Chehıa) WTA 500 týrnıriniń ekinshi aınalymyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi bastapqy kezdesýin álemniń 17-raketkasy, amerıkalyq Medıson Kızben ótkizdi.
Bıyl AQSH-taǵy Sınsınnatı jarysynda M. Kız Elenany 6:2, 6:4 esebimen utqan bolatyn.
Bul joly birinshi partıada amerıkalyq sportshy basymdylyq tanytty - 7:5.
Esesine ekinshi sette E. Rybakına oıyn tizginin óz qolyna aldy - 6:3.
Sodan keıin úshinshi, sheshýshi partıada da Kızdi tyǵyryqqa tireı bildi - 6:3.
Eki saǵat 15 mınýtqa sozylǵan tartysty báseke barysynda Elena 7 eıs jasap, 14 breık-poınttyń beseýin paıdalandy. Qarsylasy 2 eıs, 3 breıkpen kózge tústi.
E. Rybakına shırek fınalǵa shyǵý úshin álemniń 16-raketkasy, latvıalyq Elena Ostapenko nemese reıtıńide 31-satydaǵy Belarýs ókili Aleksandra Sasnovıchtiń bireýimen talasady.
Júlde qory 611 210 eýroǵa baǵalanǵan jarys 9 qazanda márege jetedi.
Eske sala keteıik, budan buryn Elena Rybakınanyń álemdik reıtıńide bir satyǵa tómendegenin jazǵan bolatynbyz.
Sondaı-aq, qazaqstandyq tenısshi álemdik reıtıńide TOP-200-ge jýyqtady.
Ataqty tenısshi Novak Djokovıch Astanaǵa ushyp keldi.