Jylý berý kezeń-kezeńimen júzege asady
Almatyda aýa temperatýrasy bes kún qatarynan 8 gradýsty kórsetse, jylý erte beriledi. Bul týraly qalanyń jylý júıesine jaýapty kompanıa ókilderi málimdedi, dep habarlaıdy Almaty-akshamy.kz Almaty.tv-ge silteme jasap.
Olardyń sózinshe, halyqty jylýmen qamtýdyń naqty belgilengen kúni joq, bul proses aýa-raıyna tikeleı baılanysty. Jylý berý kezeń-kezeńimen júzege asady. Aldymen balabaqsha, mektep, emhana sıaqty áleýmettik mekemeler qosylady. Sosyn turǵyn úıler, jataqhana, ákimshilik ǵımarattar men mádenı nysandar jalǵanady.
«Qaladaǵy barlyq qubyr jylý berýge daıyn. Eger 8 gradýstyq temperatýra bes kún boıy saqtalatyn bolsa jylý sol kezde beriledi. Byltyr erte berildi. Biraq ol arnaıy erejege saı ári aýa-raıyna da baılanysty bolady», – dedi «Almaty jylý júıeleri» JSHS bas ınjeneri Danıar Qazmetov.