Qazaqstanda ushaqta tasymaldaýǵa tyıym salynǵan zattardyń jańartylǵan tizimi jarıalandy
Indýstrıa jáne ınfraqurylymdyq damý mınıstrligi Mınıstrdiń mindetin atqarýshynyń 2023 jylǵy 27 shildedegi № 548 buıryǵymen bekitilgen Azamattyq áýe kemelerinde tasymaldaý qaǵıdalaryndaǵy mańyzdy ózgerister týraly habarlaıdy.
Jolaýshylardyń qaýipsizdigi men jaılylyǵyn arttyrý maqsatynda áýe kemeleriniń bortynda elektrondyq qurylǵylar men elektrondyq temekilerdi tasymaldaýǵa qoıylatyn talaptarǵa eleýli ózgerister engizildi.
Mysaly, jańa talaptar boıynsha bagajda lıtıı nemese lıtıı-ıondy elementteri, sondaı-aq qosalqy batareıalary bar portatıvti elektrondyq qurylǵylardy (planshetter, saǵattar, kálkýlátorlar, kameralar, uıaly telefondar, noýtbýkter, beınekameralar jáne t.b.) tasymaldaýǵa tyıym salynady.
Sonymen qatar bagajda elektron temeki men veıp tasymaldaýǵa ruqsat etilmeıdi.
Osyǵan baılanysty jolaýshylardan kórsetilgen zattardy qol júginde tasymaldaýyn suraımyz:
noýtbýkter;
uıaly telefondar;
kameralar;
planshetter;
elektron temeki;
lıtıı-ıondy batareıalary bar barlyq elektron qurylǵy;
qosalqy batareıalar men qýat bankteri.