2023 jyly 13 qyrkúıekte saǵat 11:00 – de Almaty qalasynda "Arbat" (Jibek Joly-Panfılov) mekenjaıynda Jalpy qalalyq bos oryndar jármeńkesi ótedi. Jármeńkeni Almaty qalasy ákimdiginiń tehnıkalyq qoldaýymen «Almaty qalasy eńbek mobıldiligi ortalyǵy» KMM uıymdastyrady.
Jármeńke ótkizýdiń maqsaty - jastar men oqý oryndarynyń túlekteri jáne jumys izdeýshiler úshin jumys oryndarynyń qoljetimdiligin keńeıtý, laıyqty úmitkerlerdi tartý arqyly jumys berýshiler úshin jaldaý prosesin jeńildetý jáne olardyń jumysqa ornalasýyna járdemdesý.
Jármeńkege ónerkásip, óndiris, saýda jelileri, tamaqtaný, medısına, farmasevtıka, bilim berý salalarynan jumys berýshiler qatysady.
Jármeńkede jumys berýshiler izdenýshilermen kezdesedi, al izdenýshiler qoıylǵan talaptar men bos jumys oryndarmen tanysady. Ótinish berýshiler túıindemeni jiberýge jáne sol jerde aldyn-ala suhbattasýǵa múmkindik alady.
Tirkeý ýaqyty saǵat 9: 30-de.
Jumys berýshilerdiń ótinishterin qabyldaý úshin tómendegi poshtaǵa almatyenbek@yandex.kz jiberýińizdi suraımyz jáne osy +7 (701) 722-75-79. nómiri boıynsha habarlasyńyz.
Tolyǵyraq aqparat alý úshin Almaty qalasy eńbek mobıldiligi ortalyǵyna, Dostyq dańǵyly, 85 mekenjaıy boıynsha habarlasý qajet.
Tel.: +7 (727) 310 47 82, elektrondyq poshta: info@cz-almaty.kz
