Bıyl mundaı múmkindikke 9 januıa ıe boldy
Bostandyq aýdanynyń tótenshelikteri jylytý maýsymyna qyzý daıyndyqqa kirisip ketti. Búgin olar áleýmettik jaǵdaıy tómen otbasylarǵa baryp, órt qaýipsizdigin aldyn alatyn qurylǵyny tegin ornatty, dep habarlaıdy Almaty-akshamy.kz Almaty.tv-ge silteme jasap.
Bıyl mundaı múmkindikke 9 januıa ıe boldy. Byltyr qurylǵy 48 úıge qoıylǵan. Jalpy aýdanda 6600-den asa jer úı bar. Onyń 117-si kómirmen jylynady. 15 qyrkúıekten beri mamandar 50 shaqty úıge arnaıy baryp, túsindirme jumystaryn júrgizgen. Tótenshelikterdiń sózinshe, órttiń shyǵýyna peshti durys paıdalanbaý, qarapaıym órt qaýipsizdigi erejelerin saqtamaý sebep bolady.
«Osy úıde turǵylyqty turyp jatyrmyn. 40 jyldaı bolyp qaldy turyp jatqanyma. Úsh balam bar. Densaýlyǵyma baılanysty jumyssyz qalyp qaldym. Sondyqtan, osylaı qınalyp qaldym kishkene. Tegin ornatyp berdi, kómektesip turady», – dedi qala turǵyny Gaýhar Asqarqyzy.