Saltanatty is-sharaǵa qalalyq ákimdik ókilderi men elge belgili óner qaıratkerleri arnaıy qatysty
Almatyda belgili kompozıtor, Qazaqstannyń halyq ártisi Eskendir Hasanǵalıev turǵan úıde memorıaldy taqta ashyldy, dep habarlaıdy Almaty-akshamy.kz Almaty.tv-ge silteme jasap.
Saltanatty is-sharaǵa qalalyq ákimdik ókilderi men elge belgili óner qaıratkerleri arnaıy qatysty. Olar ánshiniń qazaqstandyq mýzyka salasyna qosqan úlesi men kópke tanymal ánderiniń mańyzyn tarqatty.
«Aǵamnyń jazǵan azdaǵan ǵana ánderiniń keremettigi sondaı, bir áni bir ánine uqsamaıdy. Aǵanyń ózi joq bolsa da, minekeı, áni máńgilik bizdiń qazaqqa mura bolyp qalyp otyr», – dedi Qazaqstannyń halyq ártisi Altynbek Qorazbaev.
Eskendir Hasanǵalıev bul úıde 24 jyl turǵan. Kompozıtordyń ulynyń aıtýynsha, óner men mádenıet ókilderine uıa bolǵan qara shańyraq - qashan da ystyq.
«Men oılaımyn, ákemniń qazaq halqyna qaldyrǵan mol shyǵarmashylyq murasy, sol qazaq halqynyń júreginde máńgilikke qalady dep oılaımyn. Al búgingi kún, sonyń naǵyz bir dáleli retinde sanaımyz», – dedi ánshi, QR Eńbek sińirgen qaıratkeri Birjan Hasanǵalıev.