Eki nysan boıynsha jobalyq-smetalyq qujattama ázirlenip, jyl sońyna deıin memlekettik saraptama alynady.
Bostandyq aýdanynda 500 oryndyq 2 emhana salý josparlanýda. Bireýi-Ál-Farabı dańǵyly men Syrǵabekova kóshesiniń qıylysynda, ekinshisi -Gagarın dańǵyly men Levıtan kóshesiniń qıylysynda, dep habarlaıdy Almaty-akshamy.kz
Bostandyq aýdanynyń ákimi Sanjar Alın atap ótkendeı, eki nysan boıynsha jobalyq-smetalyq qujattama ázirlenip, jyl sońyna deıin memlekettik saraptama alynady dep kútilýde.
Sondaı-aq, emhananyń №4,№12 emhanalardyń balalar bólimshesi korpýstaryn kúrdeli jóndeý josparlanǵan.
Balalardyń shuǵyl medısınalyq kómek ortalyǵynyń operasıalyq blogy qabyldaý bólimi korpýsynyń qurylysy jalǵasýda.
Almaty ákimi Erbolat Dosaevtyń tapsyrmasy boıynsha Bostandyq aýdanynda 8000 oryndyq 5 jańa mektep salý josparlanǵan. Onyń ishinde: "Jaıly mektep" ulttyq jobasy aıasynda 3 mektep myna jerlerde salynady: Egizbaev,9 mekenjaıda 2500 oryndyq , Rozybakıev – Levıtan kósheleriniń qıylysynda 1500 oryndyq jáne Rozybakıev – Qojabekov qıylysynda 2000 oryndyq.
Áleýmettik jaýapkershilik aıasynda "RAMS Qazaqstan" Qurylys kompanıasy 2024 jyldyń sońyna deıin RAMS City aýmaǵynda 1100 oryndyq mektep pen 240 oryndyq 2 balabaqsha salýdy josparlaýda.
"ADK" so aýdanynda "BAZIS" qurylys kompanıasy qyrkúıek aıynan bastap 900 oryndyq mektep salý úshin "Konkrıt prodakshn" JSHS zaýytyn buzýda.
Sondaı-aq, №65 mektep qosalqy nysanynyń, sóıleý qabileti aýyr balalarǵa arnalǵan №9 arnaıy túzetý mektep-ınternatynda tamaq jáne oqý blogynyń qurylysy aıaqtaldy.
Orbıta-3 shaǵyn aýdanyndaǵy №145 mektepti seısmıkalyq kúsheıtý, ǵımaratty qalpyna keltirý jumystary aıaqtalady.Bostandyq aýdanynyń ákimi atap ótkendeı, bıyl qosymsha 603 oryndyq 15 jeke balabaqshalar ashyldy.