Altyn kópir
Stambýl Eýropa pen Azıa qurlyǵyn jalǵap turǵan birden bir shahar. Bul qalanyń ózgelerden keremeti de osynda. Munda dúnıeniń túpkir túpkirinen týrıser aǵylady. Ǵajaıyp meken. Aýasy ylǵaldy. Almatymen salystyrǵanda áldeqaıda jylyraq. Álemniń barsha adamyn sol jerden keziktiresiz. Arysy Amerıka, berisi Afrıka jurty, Arab túbeginiń halqy bári-bári sonda. Kóptegen mádenıetter shoǵyryn kóresiz.
Mádenı orda. Osy sózdi aıtýdyń ózindik máni men maǵynasy tereńde. Tymyry talaı ǵasyrlarǵa ketedi. Túrli tarıhtyń kýási. Basynan kóp tamasha kúnder keshkeen. Bir ǵana Aııa Sofıa eskertkishi birden bir tarıhı jádiger. Hrıstıan men musylmanshylyqtyń kórinisterin qatar baıqaýǵa bolady. Sondaı kelbetti, sondaı ǵajap. Qarasań kóz toımaıdy. Kórseń kóre bergiń keledi. Osy syndy Sultan Súleımen han onyń jary Húrem Sultannyń kesenesi de osy qalada. Eń tańqalarlyǵy meshitterdi bir kóshe saıyn kózińiz shalady. Osynyń barlyǵy tarıhı siýlet eskertkishi ári uly qundylyq deýge bolady. Sol sıaqty XV-XVI ǵasyrlar aralyǵynda boı kótergen kóne bazarda osynda. Áligedeı óz jumysyn jalǵastyryp keledi.
Buǵaz syry. Erterekte sýdyń basyna ıelik etetinderdi qolynda jarty bıligi barlar dep esepteıdi eken. Sol ras aıtylǵan támsil eken. Bylaı qarap tursańyz naq shyndyq. Osy arada nege degen zańdy saýal týatyny anyq. Sebebi, Jerorta men Marmara teńizderi keme júretin saýda-sattyqtyń naǵyz kúre tamyry desek artyq aıtpaǵandyq bolar. Sol teńizdiń ústinen alyń esh tireýi joq kópir salynǵan. Solardyń ishindegi asa irisi Fatıh Sultan Mehmet kópiri. Qysqasha aıtqanda, tek tańdanys pen qyzyǵýshylyq keýdeni bıleıdi.
Túıin. Halqymyz «jaqsyny kórmek úshin» dep tekke aıtpapty. Myń estigennen bir kórgen artyq ekenine kóz jetkizdik. «Shamań barda jelip júrip jer tany» dep aıtýǵa tolyq negiz bar. Dúnıe qyzyqqa toly. Bar bolǵany sol ǵajaıypty kóńilmen seziný kerek eken. Soǵan kóz jetkizip kelemiz. Bizder kókeıdegi oılardyń bir parasyn aıttyq. Qalǵanyn óz ýaqytynda baıandaıtyn bolamyz.