Satylymnan túsken qarjy erekeshe qajettiligi bar balalardyń emine jumsalmaq.
«Bórte» spektaklindegi bas kıim 4 mln teńgege satyldy, dep habarlaıdy Almaty-akshamy.kz QazAqparatqa silteme jasap.
«Bolashaq» korporatıvtik qory uıymdastyrǵan Hİİİ qysqy qaıyrymdylyq balynda aýksıonǵa shyǵarylǵan jádigerler arasynda túrli áshkeılermen áspettelgen sáýkele de boldy. Bul bas kıimdi Túrkistan mýzykalyq drama teatrynyń alǵash shymyldyǵyn ashqan «Bórte» qoıylymyndaǵy keıipker Bórte hanym kıgen bolatyn.
Sáýkeleniń aldyna taza kúmisten jasalǵan oıýlar men kózdiń jaýyn alar monshaqtar taǵylǵan. Al, eki jaǵyndaǵy qos jaqtaýdyń jıegi altyn tústes jibek órimmen jıektelgen. Qos jaqtaýy men sáýkeleniń artqy jaǵynda bekitilgen shashqap ta kúmis áshekeılermen bezendirilgen. Sondaı-aq, kógildir aqyq, merýert, laǵyl tastardan salpynshaq syrǵa tárizdes etip bezendirilgen.
Keshegi kúni ótken aýksıonda bas kıim 4 mln teńgege satyldy.
Uıymdastyrýshylardyń aıtýynsha, satylymnan túsken qarjy erekeshe qajettiligi bar balalardyń emine jumsalmaq.
Teatr mamandarynyń sózine súıensek, Túrkistan mýzykalyq drama teatrynda Bórteniń eki bas kıimi bar. Sonyń biri satylymǵa shyqqan. Al, ekinshisi teatrda saqtaýly tur. Ony kelesi qoıylymdarda ártister qoldanatyn bolady.
Aıta keteıik, jeltoqsan aıynyń 23-24 kúnderi Túrkistanda «Bórte» spektakli kópshilik nazaryna usynylady.