Almatyda belgili aqyn, jazýshy Aqberen Elgezektiń balalyq taǵdyryna negizdelgen «Bolmaǵan balalyq shaq» fılmi kórermenge jol tartty. Fılmniń premerasy erekshe jaǵdaı̆da ótti – bir ǵana zalǵa syı̆maǵan kórermender úshin qosymsha eki zal ashyldy. Bul – halyqtyń shynaı̆y ómirge, boıamasyz taǵdyrǵa degen qyzyǵýshylyǵynyń dáleli, dep habarlaıdy aqshamnews.kz
«Bolmaǵan balalyq shaq» kitaby men spektaklin oqyp, kórgen jandar úshin fılm múlde bólek áser qaldyrdy. Sebebi, kitapta aı̆tylmaǵan, sahnaǵa syı̆maǵan shynaı̆y ómir úzindileri kınoda sheber kórinis tapqan. Rejıser Farhat Moldaǵalıdyń shyǵarmashylyq sheshimderi, Erlan Bilál, Berik Aı̆tjan bastaǵan akterlerdiń shynaı̆y oı̆yny kórermenniń kóńilin tolqytty. Al bala Aqosh rólin somdaǵan Shákárim Almasbek pen bozbala Aqberendi beı̆nelegen Nurtilek Jarylqasyn óz keı̆ipkerleriniń beı̆nesin sátti jetkizdi. Eń tańqalarlyǵy, olardyń ómirdegi Aqberen Elgezekke uqsastyǵy erekshe áser qaldyrdy.
Balalyqtyń bolmaǵany – taǵdyrdyń syny
Fılm – ákesinen erte aı̆yrylyp, tiri anasynan alystap, taǵdyrdyń synaǵyna túsken keı̆ipkerdiń muń men saǵynyshqa toly ómirin baıandaı̆dy. Ony kórgen árbir kórermen otbasynyń, áke-sheshe meı̆iriminiń qanshalyqty qundy ekenin sezinedi. Fılm kórermendi shynaı̆y emosıaǵa bólep, júregindegi qattylyqty jibitedi.
«Bolmaǵan balalyq shaq» – balalar men jasóspirimder úshin de úlken máni bar týyndy. Bir áke men ananyń aıaly alaqanynan alystaǵan balanyń rýhanı ósýi, tabıǵatpen tildesýi, jalǵyzdyqtan Jaratqanǵa jaqyndaýy – fılmniń basty leı̆tmotıvine aı̆nalǵan.
Kórermenderdiń biri bul fılmnen keı̆ingi áserin bylaı̆ sıpattaı̆dy:
«Fılm bastalǵannan sońyna deı̆in tapjylmaı̆ otyryp kórdik. Úı̆ge qaı̆tar jolda balam oı̆laryn jasyra almaı̆, ár sújetti áńgimelep, túsinbegen jerin suraýmen boldy. Bul – eń aldymen esin biletin, qalyptasa bastaǵan balalar úshin taptyrmas fılm der edim. Munda álemde ólsheýli baǵasy joq eń qymbat qundylyq – otbasy degen qasıetti uǵymnyń qadirin túsinýge zor múmkindik bar».
Fılmde Aqberenniń ómirinde bolǵan qıyndyqtardyń ony qalaı̆ shıratyp, erte eseı̆tkenin, «qý balaǵa» qalaı̆ aı̆nalǵanyn kórsete otyryp, tragedıanyń ózinde ómirlik sabaq bar ekenin meńzeı̆di. Erekshe este qalatyn sátterdiń biri – keı̆ipkerdiń qyrǵyz apany aldap ketetin epızody. Bul kórinis kórermenge kúlki syı̆lap, basty keı̆ipkerdiń ómirge beı̆imdelý qabiletin asha túsedi.
Rejıserlik sheshim jáne akterlik sheberlik
Fılmde shynaı̆ylyq pen emosıalyq áser erekshe oryn alady. Oǵan rejıser Farhat Moldaǵalıdyń eńbegi zor. Ol kórermenniń júregine jetetin názik shtrıhtardy dál taýyp, ár detaldy tereń sezimmen jetkize bilgen.
Aqberen Elgezektiń ómirin sheber beı̆nelegen akterler de óz rólderin sátti somdady. Bala Aqoshtyń beı̆nesi arqyly kórermen óz balalyǵyn, óz muńyn eske aldy. Bul týraly pikir bildirgen kórermenderdiń biri bylaı̆ deı̆di:
«Kózimizge jas almaý múmkin bolmady. Árkimniń júreginde bir bolmaı̆ qalǵan balalyq shaq bary ras qoı̆. Osy fılm arqyly sol kezder qaı̆tadan eske túskendeı̆...»
Fılmniń máni men maǵynasy
Fılm – tek bir adamnyń ómirbaıany emes, búkil qoǵamnyń ortaq taǵdyry. Sebebi, árbir kórermen fılmde óz ómirine uqsas sátterdi taba alady. Ákesizdik, ananyń alystyǵy, otbasynyń ystyq meı̆irimine degen saǵynysh – bul tek Aqberenniń ǵana emes, myńdaǵan balanyń taǵdyry.
Bul týyndyny kórgende «Seniń ǵajap tabıǵatyńdy kimge aı̆tam, Kim qumartsa, ózi kórsin kózimen», - dep keletin Muqaǵalı Maqataevtyń áı̆gili óleńi eske túsedi.
Sol sıaqty, bul fılm týraly da kóp aı̆týǵa bolady. Biraq ony kórý kerek, ony seziný kerek.
«Bolmaǵan balalyq shaq» – júrekke meı̆irim uıalatatyn, otbasylyq qundylyqtardy tereńirek túsinýge jeteleı̆tin áserli fılm.
Aıta keteıik, fılmdi Astana jurtshylyǵy da tamashalady. Astanalyq kórermender de fılmniń aıtary bar, oı salatyn kórkem týyndy ekenin aıtyp jarysýda.
Aqberen Elgezekke, shyǵarmashylyq topqa alǵysymyz sheksiz!
Fılmdi kórińizder, júrekpen uǵyńyzdar!