Osy jyldyń 8 aıynda 5 mınıstrlik respýblıkalyq búdjetten bólingen qarajatty ıgere almady. Bul týraly Premer-Mınıstrdiń orynbasary – Qarjy mınıstri Erulan Jamaýbaev aıtty, dep habarlaıdy QazAqparat tilshisi.
«Memlekettik búdjettiń shyǵystary - 98,8, respýblıkalyq búdjettiń shyǵystary – 99,3, jergilikti búdjetterdiń shyǵystary 98,8 paıyzǵa oryndaldy. Respýblıkalyq búdjet boıynsha somasy 12,8 trln teńgege shyǵystar júrgizildi. Atqarylmaý 95 mlrd teńgeni, onyń ishinde únemdeý 17 mlrd teńgeni qurady», - dedi ol.
Mınıstrdiń atap ótýinshe, ıgerilmegen qarajat kólemi 78 mlrd teńgeni quraıdy.
«Igerilmeýdiń neǵurlym iri somalary Ekologıa jáne tabıǵı resýrstar, Mádenıet jáne sport, Tótenshe jaǵdaılar, Indýstrıa jáne ınfraqurylymdyq damý jáne Oqý-aǵartý mınıstrlikterinde qalyptasty. Igerilmeýdiń negizgi sebepteri: konkýrstyq rásimderdiń uzaq ótkizilýi; sharttardy, qosymsha kelisimderdi jasasý rásimderin der kezinde ótkizbeý; oryndalǵan jumys aktileriniń, shot-faktýralardyń ýaqtyly usynylmaýy jáne basqalary», - dedi Erulan Jamaýbaev.