Búgin QR Densaýlyq saqtaý mınıstri Ajar Ǵınıat QR Prezıdenti janyndaǵy Ulttyq ǵylym akademıasynyń vıse-prezıdenti Lázzat Eralıevamen medısına ǵylymyn damytý salasyndaǵy yntymaqtastyq máselesi boıynsha kezdesý ótkizdi, dep habarlaıdy Almaty-akshamy.kz.
QR Prezıdenti janyndaǵy Ulttyq ǵylym akademıasy 2022 jylǵa arnalǵan Ǵylym boıynsha Ulttyq baıandama daıyndady, onda Qazaqstan ǵylymy salasyndaǵy qazirgi ahýal, onyń aldaǵy 5 jylǵa arnalǵan problemalary men damý boljamdary kórsetilgen.
Qazirgi ýaqytta Ulttyq ǵylym akademıasy forsaıttyq zertteý jobasyn ázirleýmen aınalysady, ol úshin 4 otandyq jáne 4 sheteldik mamandardy qamtıtyn saraptamalyq top quryldy.
2023 jylǵa arnalǵan forsaıttyq zertteýdiń basym baǵyttarynyń biri genomdyq redaksıalaý zerthanalaryn damytý tujyrymdamasyn ázirleý bolyp tabylady.
Densaýlyq saqtaý mınıstrligi Ulttyq akademıanyń ǵylymdy nasıhattaý, qazaqstandyq ǵalymdardyń bedelin arttyrý jáne eldegi ǵylymdy damytý úshin ǵalymdardy tartý boıynsha júrgizip jatqan jumystaryna qoldaý kórsetýge jáne qatysýǵa daıyn ekendigin bildirdi.
Kezdesý barysynda Qazaqstanda ıadrolyq medısınany damytý, medısınalyq ǴZI, UO bazasynda ǵylymı kadrlar daıarlaý, ımmýndaý máseleleri sıaqty mańyzdy máseleler kóterildi. Dıagnostıka men emdeýdiń klınıkalyq standarttaryna ınovasıalyq tehnologıalardyń ıntegrasıasyn jedeldetý qajettiligi anyqtaldy.
Kezdesý sońynda QR Densaýlyq saqtaý mınıstri Ajar Ǵınıat otandyq medısına ǵylymyn damytý boıynsha birlesip jumys isteý maqsatynda belsendi yntymaqtastyqqa daıyn ekendigin atap ótti.