Memleket basshysy «Qazaqstan» telearnasyna asa mándi suhbat berip, keleshekke degen jáne jastarǵa baǵdar beretin, elimizdiń irgesin beriktendiretin tujyrymdarymen bólisti.
Men óz basym úlken qyzyǵýshylyqpen jáne zeıinmen qaradym. Jastardyń boıynda jáne jalpy qoǵamda jalqaýlyqty joıý, adal eńbektený, biliktilikti shyńdap, jetistikterge jetý máselesine, meıirimdilikti dáripteýge den qoıyldy. Qoǵamdaǵy júıeli problemalardy sheshýge, ásirese, halyqtyń tabysyn arttyrý basty maqsattardyń biri retinde anyqtaldy.
Osymen birge ekonomıkalyq prosesterdi jetildirý, áleýmettik salany nyǵaıtýdyń mańyzdy tustary ortaǵa salyndy.
Ásem Almatymyzdyń qalpyna keltirilip, gúldendirý basymdyqtary bizdi erekshe qýantqandyǵyn atap ótkim keledi.
Shyntýaıtynda, bizde bir Otanymyz bar, ol - Táýelsiz Qazaqstan. Bul bárinen qymbat jáne joǵary qundylyq, aqıqat túbi osynda. Egemendigimizdi naqty eńbekpen kórsetýimiz kerek. Qazaqstan taǵdyry men jarqyn bolashaǵy qazaq eliniń qolynda. Osyndaı tarıhı sátte biz ortaq maqsatqa birigýimiz aýadaı qajet.
Men máslıhat depýtaty jáne Nur Otan Fraksıasynyń múshesi retinde, densaýlyq saqtaý salasynyń ókili retinde Prezıdentimiz atap ótken basymdyqtardy iske asyrýǵa barynsha úles qosamyn. Sizderdi de Qazaqstannyń órkendeýine atsalysýǵa shaqyramyn.
Dana halqymyz talaı qıly zar zaman men tar jol, taıǵaq keshýden aman ótti, bul oryn alǵan qıyndyqtardy da birge eńseretinimizge kúmán joq. Táýelsiz Otanymyzdyń berekesi arta bersin!