"QAZAQSTAN" ulttyq telearnasynan Memleket basshysy Qasym-Jomart Toqaevtyń suhbatyn tamashaladyq. Kezdesýde qoǵamdy alańdatqan qasiretti qańtar oqıǵasynyń sebepteri men saldary, aldaǵy saıası jáne áleýmettik reformalar, Qazaqstannyń syrtqy saıasattaǵy negizgi seriktesterimen qarym-qatynastary týraly, til máselesi jónindegi kóptegen suraqtarǵa jaýap berildi.
Túsingen adamǵa Prezıdent saıası astary bar mańyzdy suraqtarǵa qatysty da naqty ustanymyn jetkizdi. Eldi kúrdeli ózgerister kútip turǵany haq. Árıne, ony júzege asyrý úshin memlekettik apparattyń jumysy úılesimdi bolýy shart.
Jalpy, Prezıdenttiń qoǵamda jıi talqylanyp, kópshiliktiń kókeıinde júrgen mańyzdy saýaldarǵa bergen naqty ári tushymdy jaýaptary kópshiliktiń kóńiline senim uıalatty degen senimdemin. Zerdelep qarasaq, tarıhta talaı qıyndyqtar artta qaldy. Sonyń ishinde búginde elimiz qańtar oqıǵasy saldarynan oryn alǵan qıyndyqtardy sáttilikpen jeńip, jańarý kezeńine qadam basyp keledi.
Halyqtyń turmysy da, aldaǵy ýaqytta eldiń saıası baǵyty da ózgerer. Memleket basshysy osyǵan baılanysty naýryz aıynda halyqqa Úndeý jarıalaıtynyn aıtty. Halyqtyń úmiti zor. Bul jaǵdaıdan da elimiz birlikpen aman-esen ótedi dep senemin. Qazaqta «Saýsaq birikpeı, ıne ilikpeıdi» deıtin támsil bar. Barshamyz bir shańyraq ıesindeı judyryqsha jumylar bolsaq, elimizdi damýdyń jańa deńgeıine kóteretinimiz sózsiz.