Osy maqsatta ótken jyly 3,5 mlrd teńge jumsalǵan.
2021 jyly Medısınalyq saqtandyrý qory tegin kómek paketi sheńberinde kórsetilgen medısınalyq kómekke 82,2 mlrd teńge jumsady. Bul týraly «Áleýmettik medısınalyq saqtandyrý qory» KEAQ Almaty qalasy fılıalynyń dırektory Tileýhan Ábildaev málim etti, dep habarlaıdy Almaty-akshamy.kz QazAqparatqa silteme jasap.
«Byltyr Almatyda Medısınalyq saqtandyrý qory tegin kómek paketi sheńberinde kórsetilgen medkómekke 82,2 mlrd teńge jumsaldy. Onyń ishinde, 9,8 mlrd teńge jedel járdem jáne sanıtarlyq avıasıa qyzmetine, 36,8 mlrd teńge – bastapqy medısınalyq-sanıtarlyq kómekke, ıaǵnı, emhana deńgeıinde kórsetilgen qyzmetterge, 16,5 mlrd teńge – onkologıalyq kómekke, 2,4 mlrd teńge – konsýltatıvtik-dıagnostıkalyq kómekke, 5,8 mlrd teńge – ambýlatorlyq gemodıalızge bólindi», - dedi Tileýhan Ábildaev.
Sonymen qatar, ol joǵary tehnologıaly medısınalyq qyzmetterdi paıdalaný kórsetkishi artqanyn tilge tıek etti.
«Qor 2021 jyly joǵary tehnologıalardyń kómegimen jasalatyn operasıalar men manıpýlásıalarǵa 14,9 mlrd teńge tóledi. Mysaly, 2020 jyly Almaty qalasy boıynsha jalpy quny 563 mln teńge bolatyn 643 EKO prosedýrasy jasalǵan bolsa, 2021 jyly atalǵan qyzmet sany 5,7 ese artqan. Ótken jyly 3687 ekstrakorporaldy uryqtandyrý jasalyp, oǵan 3,5 mlrd teńge jumsaldy. Taǵy bir mysal, 2020 jyly joǵary tehnologıalardyń kómegimen 184 kardıohırýrgıalyq operasıa jasalǵan bolsa, 2021 jyly atalǵan qyzmet kólemi 7 ese artyp, 1329 ota jasalǵan. Oǵan qor 5,7 mlrd teńge tóledi», - dedi ol.
2021 jyly tegin medısınalyq kómek jáne mindetti áleýmettik medısınalyq saqtandyrý paketteri sheńberinde dári-dármekpen qamtýǵa 24,8 mlrd teńge bólindi.
«Tegin medısınalyq kómek paketi boıynsha 35 túrli syrqat boıynsha dári-dármek beriledi. Al, MÁMS paketinde eresekterge 41 nozologıa, balalarǵa 63 nozologıa boıynsha dári beriledi. 2021 jyly tegin medısınalyq kómek jáne mindetti áleýmettik medısınalyq saqtandyrý paketteri sheńberinde dári-dármekpen qamtýǵa 24,8 mlrd teńge bólingen bolatyn. Jyl sońyna deıin tegin medısınalyq kómek paketinde – 219 myńnan astam pasıent, MÁMS paketinde – 26 myńnan astam eresek pen 40 myńnan astam bala dárimen qamtamasyz etildi. Al, 2022 jylǵa 20 mlrd teńgeniń dári-dármegin satyp alý týraly jospar bekitildi. Dárilik zattar jyl basynan beri bekitilgen keste boıynsha jetkizilip jatyr», - dedi "Áleýmettik medısınalyq saqtandyrý qory" KEAQ Almaty qalasy fılıalynyń dırektory Tileýhan Ábildaev.