Jınalǵan qarjyny bilim berýge jumsaýǵa bolady
Fılosofıa, saıasattaný jáne dintaný ınstıtýtynyń qyzmetkeri Ádil Júnisov Ulttyq qor paıdasynyń 50% 17 jasqa tolǵan qazaqstandyq balalarǵa beriletini týraly Prezıdent Joldaýynda aıtylǵan ıdeıa jańa Qazaqstan men jańa qoǵam qurylyp jatqanynyń jarqyn kórinisi degen pikirde.
«Prezıdent Joldaýy áleýmettik salany jaqsartýǵa baǵyttalǵan. Óskeleń urpaqqa, stýdentterge kóp kóńil bólingeni baıqalady. Bul óte durys», – dedi ol.
Onyń pikirinshe, qyzyl dıplomy bar azamattar bazarlarda eńbek etpeýi kerek, sondyqtan elimizge eńbek resýrsyn oryndy bólý asa qajet.
«Jastardyń jeti paıyzǵa jýyǵy jumysqa turmaǵan. Osy máseleni qarap, óndiristi kóterý kerek», – dedi Ádil Júnisov.
QazUQPÝ dene shynyqtyrý jáne sport kafedrasynyń baǵdarlamalyq kóshbasshysy Álıa Esilbaeva Ulttyq qordan balalarǵa qarajat bólý máselesin erekshe qoldady.
«Bul bizge, jas urpaqqa asa qajet. Endi balalar 18 jasqa tolǵasyn bul qarjyny bilim alýǵa jumsaı alady», – dedi ol.