Memleket basshysynyń Joldaýda kótergen bastamalary óte mańyzdy. Muny elimizdiń aldaǵy perspektıvalyq damýyna arnalǵan dep aıta alamyz. Ózderińizge málim bolǵandaı, kezekti Joldaý saıası jáne ekonomıkalyq máselelerdi qamtydy. Sonymen birge ol álemdegi syn-qaterlerdiń aldyn alyp, ózekti dúnıelerdiń sheshilýine atsalysary sózsiz. Ádiletti qoǵam qurý jolynda bılik pen halyqty jaqyndastyrý, araqatynasyn nyǵaıtý basty nazarda ustalady.
Qazaqstan jańa baǵyttarǵa qadam basýda. Joldaýda birqatar saıası ózgerister bolatyny aıtyldy. Dál qazir elimizdiń ósip-órkendeýi negizgi ustanym bolyp tur. Osy jolda ıgi ózgerister men bastamalardyń júzege asqandyǵyn qalaımyz.
Prezıdentimiz aldaǵy reformalardyń baǵyt-baǵdaryn aıqyndap berdi. Bul memleketimizdi jáne qoǵamnyń barlyq salasyn jańǵyrtýdyń naqty qadamdary bolmaq. Memleket basshysy tujyrymdaǵandaı, saıası reformalar «Kúshti Prezıdent – yqpaldy Parlament – esep beretin Úkimet» formýlasymen júzege asyrylyp jatyr. Bul tujyrym – qoǵamymyzdyń myzǵymas tuǵyry. Bul rette árıne, elimizde qolǵa alynǵan «Halyq únine qulaq asatyn memleket» qaǵıdasyn ustaný asa mańyzdy. Prezıdent aıtqandaı, Ádiletti Qazaqstan ıdeıasynyń túpki máni de osy qaǵıdatpen úndesedi. Biz qoǵamǵa iritki salýdy emes, eldi izgi maqsatqa jumyldyrýdy oılaýymyz kerek.