Memleket basshysynyń Joldaýynda qozǵalǵan aýyl sharýashylyǵyn damytý máselesi búgingi kúnderi kókeıkestiligin joǵaltpaı otyr. Ekonomıka ǵylymdarynyń doktory Úkilaı Kerimova osyndaı pikirde.
Maman Qazaqstandaǵy sýbsıdıalaý erejeleri jyl saıyn ózgerip jatqanyn atap ótti.
«Ózgerister qajet, biraq dál osyndaı qarqynda emes», – dedi Úkilaı Kerimova.
Onyń oıynsha, Qazaqstannyń DSU kirýi jáne elimizdiń ózine alǵan mindettemeleri oryndalýy tıis.
«DSU kirgende aýyl sharýashylyǵyna JİÓ den kem degende 8% bólinedi delingen, alaıda qazir agrarlyq salaǵa 4,5 ten 5% deıin ǵana bólinedi», – dedi Ú.Kerimova.
Sondyqtan aýyl sharýashylyǵy salasyna Memleket basshysy Joldaýda aıtqandaı, naryqtyq mehanızmder qurý qajet.
«Sondyqtan Prezıdenttiń Joldaýda agrarly sektorǵa qatysty aıtqan barlyq tapsyrmalaryn qoldaımyn», – dep qorytyndylady Ú.Kerimova.
QazUAZÝ kafedra meńgerýshisi Tlepbergen Ryspekov aıtqandaı, ótken jyl qurǵaqshylyq bolyp, elimizde jem tapshylyǵy baıqaldy.
«Sondyqtan aldaǵy eki ne úsh jylǵa jeterlik shóppen qamdaný kerek», – dedi ol.
Ol óz sózinde aýyl sharýashylyq jerlerin rasıonaldy paıdalaný arqyly Qazaqstan birshama paıdaǵa keneletinin atap ótti. Buǵan qosa memleket pen bızneste osyǵan barlyq múmkindik bar.
«Sondyqtan Prezıdent óz Joldaýynda osy joldardy kórsetti, endi muny oryndy qoldana bilsek bolǵany », – dep Tlepbergen Ryspekov taǵy qosty.