«Shynyqsań – shymyr bolasyń» demekshi, dene jattyǵýy adam balasyna qashan da paıdaly. Kúni boıy ózińdi sergek sezinip júrýdiń de bir tásili – sport.
Almaty qalasy Alataý aýdany «№26 jalpy bilim beretin mektep» komýnaldyq memlekettik mekemesinde «SALAÝATTY ÓMİR-NURLY BOLASHAQ!» taqyrybynda aýdandyq mektep basshylarynyń semınary ótti. Semınardyń maqsaty: qoǵamǵa paıda keltiretin, deni saý, salaýatty, jany taza, bolashaqqa senimmen qaraıtyn urpaq tárbıeleý.
Semınarǵa Alataý aýdandyq Bilim bóliminiń basshysy Aqmurzaeva Qarlyǵash, Bilim bóliminiń ádiskeri Smaǵulova Álıa jáne aýdan mektepteriniń basshylary qatysty. Semınardyń ashylýynda mektep basshysy Seıtahmetova Galá sóz alyp, oqýshylarymyzdyń túrli sporttyq jetistikterimen quttyqtap, aldaǵy ýaqyttaǵy ótetin sporttyq jarystarda mektebimizdiń oqýshylary bıik belesterdi baǵyndyratyna kámil senetinin atap aıtty.
Semınarda mektebemizdiń oqýshylary túrli sporttan atap aıtsaq, karate godzú-rúdan 11 «B» synyp oqýshysy Daýken Ádil Imanjúsip Qutpanulynyń 160-jyldyǵyna arnalǵan 2006-2008 jáne 2009-2011 jylǵy balalar men qyzdar arasyndaǵy dzúdodan ashyq Respýblıkalyq týrnırinde 66 salmaq dárejesinde İİ oryn ıegeri, 10 «B» synyp oqýshysy Nýrbolat Mıras Halyqaralyq dzú-dzúsýdan chempıonaty – İİ oryn ıegeri, kórkem gımnastıkadan Birikken Arab Ámirlikterindegi - Dýbaı qalasynda ótken “Kórkem gımnastıka “halyqaralyq chempıonatyna qatysyp, 2 «V» synyp oqýshysy Iınesnova Aısha Bolatqyzy Altyn medal ıegeri, Grýzıa memleketi Tbılısı qalasynda ótken İİİ- halyqaralyq «New Look Cup 2023» atty kórkem gımnastıka týrnırine qatysyp, 2 «V» synyp oqýshysy Hamıt Adıa Aqylbekqyzy, 1 «G» synyp oqýshysy Hamıt Aılın Aqylbekqyzy İ oryn ıegerleri óz ónerlerin kórsetti.
Sportqa jany qumar, sport sheberleri ózderiniń mańdaı terlerimen qol jetkizgen birneshe medaldaryn moıyndaryna taǵyp, birneshe dúrkin jeńip alǵan sporttyq belbeýlerin belderine taǵyp,úlken maqtanyshpen qonaqtar aldynda sherý jasady.
Sonymen qatar 2002 jyly mektebimizde Orta Azıada «Jartasqa órmeleý» sportyn damytý baǵdarlamasy boıynsha IýNESKO balalar qorynyń qoldaýymen Qazaqstan Respýblıkasy álpınızm jáne «Jartasqa órmeleý» federasıasynyń kómegimen «Jartasqa órmeleý» qabyrǵasy ashylǵan bolatyn. Semınar barysynda «Jartasqa órmeleý» boıynsha túrli jyldamdyqty asyra otyryp, jartasqa órmeleýdiń kedergisiz tıimdi joldaryn mektebimizdiń oqýshylary semınarymyzdyń qonaqtaryna kórsetti.
Semınar sońynda Alataý aýdandyq Bilim bóliminiń basshysy Aqmurzaeva Qarlyǵash sóz alyp, mektebimizdiń sportshylaryna ystyq yqylasyn bildirip, bıik belesterdi baǵyndyra berýine tilektes ekenin aıtyp ótti.
Abildaev B., №26 jalpy bilim beretin mektep dırektorynyń oqý isi jónindegi orynbasary