Almatydaǵy "Altyn Orda" ámbebap saýda kesheniniń kásipkerleri men ujymy tasqynnan zardap shekken aımaq turǵyndaryna gýmanıtarlyq kómek jiberdi.
Kómek Aqtóbe, Qostanaı oblystarynyń, Torǵaı dalasynyń, Amangeldi óńirleriniń sý basqan eldimekenderine jetkiziledi, dep habarlaıdy Almaty-akshamy.kz.
«Bazarda kásibimdi dóńgeletip otyrǵanyma jıyrma jyldaı ýaqyt boldy. Osy aralyqta bizdiń ujym ákimshilikpen birigip talaı ıgi isterge atsalysty. Tabıǵat apatynan japa shekken elimizdiń ár túkpirindegi baýyrlarymyzǵa kómek qolyn sózý – paryzymyz dep bilemin. Qasıetti Ramazan aıynda, búgingi Qadir túni aldynda jarıa sadaqa dep kómek qolyn sozyp jatyrmyz», - dedi saýda kesheniniń kásipkeri Saltanat Bedelqyzy.
Kómektiń jalpy kólemi 3 úlken júk kóligi men 30 tonnaǵa jýyq 1 gazel boldy. Logıstıkalyq shyǵyndardy naryq ákimshiligi de qoldady.