Tizim Halyqaralyq baǵdarlamalar ortalyǵynyń saıtynda jarıalandy.
«Halyqaralyq baǵdarlamalar ortalyǵy» AQ «Bolashaq» stıpendıasy ıegerleriniń tizimin jarıalady, dep habarlaıdy Almaty-akshamy.kz
«QR Memlekettik keńesshisi Erlan Qarınniń tóraǵalyǵymen Shetelde kadrlar daıarlaý jónindegi respýblıkalyq komısıa sheshimimen álemdegi jetekshi ýnıversıtetter men salalyq uıymdarda taǵylymdamadan ótetin Qazaqstannyń 25 azamaty «Bolashaq» stıpendıasynyń ıegeri atandy», - delingen habarlamada.
Bıyl magıstratýra jáne rezıdentýra baǵdarlamalaryna 395 stıpendıa, doktorantýraǵa 50 stıpendıa, taǵylymdamadan ótý úshin 110 stıpendıa bólingen.
Bıyl «Bolashaq» halyqaralyq stıpendıasyn taǵaıyndaý konkýrsyna qatysý úshin qujattardy qabyldaý tórt lekke bólingen. Qujattardy qabyldaýdyń alǵashqy merzimi 2023 jylǵy 9 qańtar men 27 qańtar aralyǵynda. Qabyldaýdyń ekinshi legi 3 sáýir men 28 sáýir aralyǵynda, úshinshisi 5 maýsym men 7 shilde aralyǵynda, tórtinshisi 17 shilde men 15 qyrkúıek aralyǵynda ótedi.