Almatyly ánshi Garıfa Igısınova referendýmda daýys berdi
Kópshilikke tanymal ánshi Garıfa Igısınova Qazaqstanda atom elektr stansıasyn salý máselesi boıynsha referendýmǵa qatysty. Ánshi eldiń bolashaǵy bizdiń qolymyzda ekenin atap ótti.
«Elimizdiń bolashaǵyna qatysty máselege qatysý – árbir azamattyń boryshy. Bolashaq – bizdiń qolymyzda. Men elimiz úshin mańyzdy is-sharaǵa óz úlesimdi qosqanyma qýanyshtymyn», – dedi Garıfa Igısınova.
Eske salaıyq, búgin respýblıkalyq referendým ótip jatyr. Almatydaǵy saılaý ýchaskelerinde ǵalymdar, jazýshylar, akterler, mýzykanttar jáne eldiń basqa da tanymal tulǵalary qatysty. Daýys berýge halyq ártisteri Asanáli Áshimov, Bıbigúl Tólegenova, tanymal oryndaýshylar men qazaqstandyq estrada juldyzdary Raim, Aıqyn Tólepbergen, Kyle Ruh, KeshYou tobynyń eks-ánshisi Balaýsa Erǵalıeva jáne basqalar qatysty.