«Almaty jylý jelileri» JSHS qyzmetkerleri saılaý ýchaskesine baryp, Qazaqstanda atom elektr stansıasyn (AES) salý máselesi boıynsha tańdaý jasady.
Uzaq jyl boıy kásiporynda jumys istep kele jatqan sheber Ulan Toıchıbekovtiń aıtýynsha, ózi jáne áriptesteri daýys berýge belsendi qatysty.
«Jylýmen jabdyqtaý – bul energetıka salasynyń ajyramas bóligi, sondyqtan árqaısymyz daýys berýimiz kerek ekenin túsinemiz. Áriptesterimizben osyndaı mańyzdy máseleniń referendým aıasynda talqylanǵanyn qoldaımyz», - dedi Toıchıbekov.
Esterińizge sala keteıik, búgin Qazaqstan aýmaǵynda AES salý máselesi boıynsha respýblıkalyq referendým ótip jatyr. Almaty turǵyndary saılaý ýchaskesine baryp, saǵat 20:00-ge deıin daýys bere alady.