Almaty qalalyq Qan ortalyǵynda Ata zańymyzdy reformalaýdyń mańyzyn túsindirý maqsatynda «Dóńgelek ústel» uıymdastyrylyp, onyń ár azamat úshin mańyzdylyǵy túsindirildi.
«Dóńgelek ústel» barysynda ortalyqtyń dırektory, AMANAT partıasynyń Bostandyq aýdanynyń fılıalyna qarasty «Órken» bastaýysh uıymynyń tóraǵasy Jandos Nádirov Ata zańymyzǵa engiziletin ózgeristerdi túsindire kelip, ujym múshelerin óz-oı pikirlerin bildirýge, bolashaǵymyzdyń basty qadamy - referendýmǵa bir kisideı qatysýǵa shaqyrdy.
Óz kezeginde sóz alǵan ortalyqtyń transfýzıolog dárigeri Amankeldi Muratbekov, qan testileý bóliminiń meńgerýshisi Záýresh Qarajigitova, qyzmetkerlermen jumys bóliminiń menedjeri Elmıra Masalım referendýmnyń Jańa Qazaqstandy qurýdaǵy naqty ári batyl qadam, saıası reformalaýdyń basty tetigi ekendigin aıta kelip, áriptesterin 5 maýsymda osy is-sharaǵa uıymshy qatysyp, óz tańdaýlaryn jasaýǵa shaqyrdy.
İs-sharany qorytyndylaǵan ortalyq dırektory Jandos Qýanyshbekuly ujym múshelerin referendýmǵa qatysyp, Qazaqstan tarıhynyń jańa qujatyna óz qoltańbalary arqyly qoldaý bildirýge shaqyrdy. Al ujym músheleri bolsa, el damýyna óz tańdaýlaryn jasaıtyndyqtaryn jetkizdi.