Jeńil avtokóliktiń jolaýshysynyń qoly synyp, aýrýhanaǵa tústi.
Almaty oblysynda jeńil kólik poıyzǵa soǵyldy, dep habarlaıdy Almaty-akshamy.kz QazAqparatqa silteme jasap.
Oqıǵa ornynan túsirilgen sýretter áleýmettik jelide paıda boldy.
«Qazaqstan temir joly» baspasóz qyzmetiniń málimetinshe, jol apaty 1 maýsym kúni tańǵy saǵat 6:00 shamasynda Almaty oblysynyń Buryndaı – JEO-2 ýchaskesinde bolǵan.
«Kólik júrgizýshisi 35 vagony bar manevrlik teplovozǵa jol bermeı, ótkelge shyǵyp ketken. Mashınıst jedel tejegishti basqan. Vagondardyń relsten shyǵyp ketýine jol berilmedi. Jeńil avtokóliktiń jolaýshysynyń qoly synyp, aýrýhanaǵa tústi, júrgizýshi zardap shekken joq», - dep habarlady kompanıadan.
Qazirgi ýaqytta poıyz basqa lokomotıv arqyly joldan shyǵaryldy. Temirjol ótkeli kólik qozǵalysy úshin ashyq.
«Kirme joly JEO-2-ge, teplovoz jeke menshikke tıesili. Oqıǵanyń aldyn ala sebebi - kólik júrgizýshisiniń jol qozǵalysy erejesin buzýy»,- dep atap ótti kompanıadan.