Qazaq jigiti asa aýyr salmaqta armenıalyq Davıd Chaloıanmen judyryqtasty
Ózbekstan astanasy Tashkentte bokstan erler arasynda ótip jatqan álem chempıonatynda Qytaı quramasynda óner kórsetetin Danabek Baıǵazy (Danabıeke Baıkevýzı) kútpegen nátıjege qol jetkizdi, dep habarlaıdy Almaty-akshamy.kz QazAqparatqa silteme jasap.
Qazaq jigiti asa aýyr salmaqta (+92 kg) armenıalyq Davıd Chaloıanmen judyryqtasty.
Bul jekpe-jekte favorıt sanalǵan D.Chaloıannyń basqa ataqtaryn aıtpaǵanda, ol 2021 jylǵy álem chempıonatynyń kúmis júldegeri edi. Soǵan qaramastan, aýyr soqqylar ótkizgen armenıalyq sportshy birinshi raýnda aıqyn utyldy – 0:5. Ekinshi kezeńde ese qaıyrǵandaı kóringenimen, tóreshiler jekpe-jek qorytyndysyna sáıkes jeńisti Danabekke berdi.
Jalpy, osy chempıonatta ulty qazaq boksshylar men bapkerler basqa da quramalarda bar.
Asa aýyr salmaqta búgin qazaqstandyq Qamshybek Qońqabaev rıngke shyǵady. Onyń qarsylasy – reseılik Alekseı Egorov. Eger A.Egorovty utsa, Qamshybek shırek fınalda olımpıada chempıony, ózbekstandyq Bahodır Jalolovpen qolǵap túıistirýi múmkin.
Eske sala keteıik, budan buryn bokstan álem chempıonatynda Saǵyndyq Toǵambaıdyń qarsylasyn nokaýtpen utqanyn jazǵan bolatynbyz.
Sondaı-aq Sanatáli Tóltaev kelesi kezeńge joldama aldy.
Talǵat Syrymbetov Azıa chempıonyna jol berdi.
Sanatáli Tóltaev jarys jolynan shyǵyp qaldy.