64 jastaǵy sportshy 14 jeltoqsannan beri izdestirilip jatyr.
Almatyda belgili qazaqstandyq boksshy Serik Nurqazov iz-túzsiz joǵalyp ketti, dep habarlaıdy Almaty-akshamy.kz
"Qoǵam" jedel-izdestirý toby Almatyda joǵalǵan Serik Nurqazovty izdep jatqanyn habarlady. Eriktilerdiń aıtýynsha, 64 jastaǵy er adam 14 jeltoqsan kúni Medeý aýdanyndaǵy úıinen shyǵyp ketip, oralmaǵan.
Serik Nurqazov sur qalpaq, kapúshony bar kók mamyq kúrte, aq vodolazka, qara djınsy shalbar kıgen, shashy aǵarǵan, saqaly bar. "Qoǵam" izdestirý tobynyń málimetinshe, qart adamǵa medısınalyq dıagnoz qoıylǵan.
Serik Nurqazov – qazaqtyń ataqty boksshysy. Ol 1980 jyldary KSRO quramasynda oınaǵan. El birinshiliginiń úsh dúrkin chempıony, Eýropa chempıony, Gavanadaǵy álem chempıonatynyń jáne halyqaralyq Dostyq týrnıriniń kúmis júldegeri, KSRO-nyń eńbek sińirgen sport sheberi. Sporttaǵy mansabyn aıaqtaǵannan keıin bokstan balalar jattyqtyrýshysy boldy. Oblystyq oqý-jattyǵý ortalyǵynyń meńgerýshisi – oblystyq joǵary sport sheberligi mektebiniń dırektory qyzmetterin atqardy.
