2023 jylǵy 25 jeltoqsanda Qazaqstan Respýblıkasy Memlekettik qyzmet isteri agenttigi Prezıdenttik jastar kadrlyq rezervine irikteý qorytyndysy jarıalanǵanyn málimdedi, dep habarlaıdy almaty-akshamy.kz.
Vedomstvoda Prezıdenttik jastar kadrlyq rezervine irikteý aıaqtalǵanyn atap ótti.
"Ulttyq komısıanyń sheshimimen 50 adam rezervke alyndy, qabyldanǵan kandıdattardyń tizimi pkrezerv.gov.kz saıtynda jarıalandy", - delingen habarlamada.
Ulttyq komısıa otyrysyna barlyǵy 100 kandıdat jiberildi. Sońǵy irikteý kezeńinen óte almaǵan 50 úmitker óńirlik kadrlyq rezervke qabyldaýǵa usynylady.
Prezıdenttik jastar kadr rezervine qabyldanǵan azamattar saıası laýazymdarǵa, "A" korpýsynyń memlekettik ákimshilik laýazymdaryna, "B" korpýsynyń basshylyq laýazymdaryna taǵaıyndalýy múmkin. Rezervte bolý merzimi – 3 jyl.
Buǵan deıin Prezıdenttik jastar kadrlyq rezervindegi bir orynǵa 128 qazaqstandyqtyń ótinish bildirgeni habarlanǵan bolatyn.